भ्रष्टाचाराविरोधातील भूमिका आणि धाडसी निर्णयांमुळे चर्चेत राहिलेले तुकाराम मुंढे राज्याच्या आरोग्य व औषध नियंत्रण व्यवस्थेची धुरा सांभाळणार

फडणवीसांचा कडक निर्णय; तुकाराम मुंढेंकडे FDAची धुरा”

पुणे शिरूर प्रतिनिधी :सुदर्शन दरेकर

राज्य प्रशासनात आपल्या कठोर आणि धाडसी निर्णयांसाठी प्रसिद्ध असलेले आयएएस अधिकारी तुकाराम मुंडे यांच्याकडे आता अन्न व औषध प्रशासन विभागाची जबाबदारी देण्यात आली आहे. मुख्यमंत्री फडणवीस यांनी घेतलेल्या या निर्णयाची राजकीय व प्रशासकीय वर्तुळात मोठी चर्चा सुरू आहे.

तुकाराम मुंढे हे राज्यातील सर्वाधिक चर्चेत राहिलेले अधिकारी मानले जातात. शिस्तप्रिय, कडक प्रशासन आणि भ्रष्टाचाराविरोधातील आक्रमक भूमिकेमुळे त्यांनी अनेक वेळा चर्चेचे केंद्रस्थान मिळवले. त्यांनी यापूर्वी नागपूर महानगरपालिका, परिवहन विभाग, तसेच विविध महत्त्वाच्या पदांवर काम करताना अनेक धाडसी निर्णय घेतले होते.

तुकाराम मुंढे यांची कारकीर्द
2005 बॅचचे आयएएस अधिकारी
ग्रामीण पार्श्वभूमीतून स्पर्धा परीक्षा उत्तीर्ण
नाशिक, सोलापूर, पुणे आणि नागपूर येथे विविध प्रशासकीय पदांवर काम नागपूर महानगरपालिकेतील कारभारात कठोर निर्णयांमुळे चर्चेत बेकायदेशीर कामांवर कारवाई आणि आर्थिक शिस्तीवर भर कोविड काळात आरोग्य व्यवस्थापनात सक्रिय भूमिका FDA विभागात काय बदल होऊ शकतात?

अन्न व औषध प्रशासन विभागात बनावट औषधे, अन्न भेसळ, नियमांचे उल्लंघन करणाऱ्या कंपन्यांवर कारवाई आणि आरोग्य सुरक्षेचे मोठे आव्हान आहे. अशा परिस्थितीत तुकाराम मुंढे यांच्या नियुक्तीकडे “कडक प्रशासनाची सुरुवात” म्हणून पाहिले जात आहे.
राज्यातील औषध वितरण व्यवस्था, मेडिकल स्टोअर्सवरील नियंत्रण, अन्न तपासणी मोहीम आणि भ्रष्टाचाराविरोधातील कारवाई अधिक वेगाने होण्याची शक्यता व्यक्त केली जात आहे.

राजकीय चर्चांना उधाण:

मुख्यमंत्री देवेंद्र फडणवीस यांनी तुकाराम मुंढे यांच्यावर मोठी जबाबदारी सोपविल्याने प्रशासनात मोठे बदल होण्याची शक्यता वर्तवली जात आहे. त्यांच्या आक्रमक कार्यशैलीमुळे आगामी काळात FDA विभागात मोठ्या कारवाया आणि निर्णय पाहायला मिळू शकतात.

एक यशस्वी उद्योजक “अशोक धर्मराज ढाकणे “

“राज्याच्या आरोग्य सुरक्षेची धुरा आता तुकाराम मुंढे यांच्या हातात आली असून, त्यांच्या निर्णयांमुळे प्रशासनात किती मोठे बदल होतात हे पाहणे महत्त्वाचे ठरणार आहे.”