रांजणगाव गणपती प्रतिनिधी :सुदर्शन दरेकर
रांजणगाव गणपती – हिवरे – पाबळ – राजगुरूनगर हा प्रमुख मार्ग सध्या अत्यंत खराब अवस्थेत असून ठिकठिकाणी मोठमोठे खड्डे पडल्याने वाहनचालकांना मोठा त्रास सहन करावा लागत आहे. या मार्गावरून दररोज रांजणगाव औद्योगिक वसाहतीमध्ये कामासाठी जाणारे कर्मचारी, शेतकरी, व्यापारी तसेच शाळकरी विद्यार्थी मोठ्या प्रमाणावर प्रवास करत असतात.
मात्र रस्त्याची झालेली दुरवस्था पाहता अपघातांचा धोका वाढला असून अनेक ठिकाणी वाहनांचे नुकसान होत आहे. पावसाळ्याच्या पार्श्वभूमीवर खड्ड्यांमध्ये पाणी साचत असल्याने वाहनचालकांना रस्ता ओळखणे कठीण होत आहे. त्यामुळे नागरिकांमध्ये संताप व्यक्त केला जात आहे.
स्थानिक ग्रामस्थांनी संबंधित सार्वजनिक बांधकाम विभागाने तात्काळ दखल घेऊन रस्त्याची दुरुस्ती करावी, अशी मागणी केली आहे. तसेच भविष्यात मोठी दुर्घटना घडण्यापूर्वी प्रशासनाने त्वरित उपाययोजना कराव्यात, अशी अपेक्षाही नागरिकांकडून व्यक्त करण्यात येत आहे.
Users Today : 14
Users Yesterday : 54