“भय इथले संपत नाही”….

मांडवगण फराटा प्रतिनिधी :संतोष साळुंके
मांडवगण फराटा येथील पिंपळाचा मळा,आणि इनामदार वस्ती येथे बिबट्याचा मुक्त संचार असल्याचे प्रत्यक्षदर्शी रोज आढळते.

संध्याकाळी सहा च्या नंतर महिला ,लहान मुले ,वृद्ध घराबाहेर निघण्यास सुद्धा खूप घाबरतात.

तंटामुक्ती अध्यक्ष हनुमंत अण्णा फराटे हे संध्याकाळी नऊ वाजता जेवण करून अंगणात शतपावली करत असताना ,अगदी वीस फूट अंतरावर च बिबट्याचे दर्शन झाले असल्याचे त्यांनी पुणे ग्रामीण न्युज शी बोलताना सांगितले.तेथील वस्तीवरील पाळीव कुत्र्यांवर हल्ला करणार तोच तिथे झालेल्या गोंधळामुळे बिबट्यां शेजारी असणाऱ्या ऊसाच्या शेतात निघून गेला.
स्थानिक नागरिकांनी बिबट्याचा बंदोबस्त करावा अशी वनविभाग कडे मागणी केली आहे.दोन वर्षापूर्वी दोन बालकांना बिबट्याच्या हल्ल्यात जीव गमवावा लागला आहे. वन विभागाने तातडीने लक्ष देणे गरजेचे आहे.साहजिकच शेतकरी वर्ग आणि लहान मुले,वृद्ध,शालेय विद्यार्थी बिबट्याच्या दहशतीखाली वावरत आहेत.