एकता दौड मॅरेथॉन चे रांजणगाव मध्ये आयोजन …

शिरूर प्रतिनिधी :

दि. 31/10/2025 रोजी सकाळी 06.30 वाजता रांजनगाव पोलीस स्टेशन, पुणे ग्रा. यांचे वतीने लोहपुरुष सरदार वल्लभभाई पटेल यांच्या 150 व्या जयंती चे निमित्त साधत,Run for Unity ,Ekta Divas मॅरेथॉन स्पर्धेचे आयोजन करण्यात आले होते.

यामध्ये प्रामुख्याने:

या मॅरेथॉन स्पर्धेमध्ये शालेय विद्यार्थी, अकॅडमीचे प्रशिक्षणार्थी, पोलीस अधिकारी ,पोलिस स्टेशनचा सर्व स्टाफ, वैद्यकीय अधिकारी ,सामाजिक,राजकीय व वैद्यकीय क्षेत्रातील व्यक्ती, माजी सैनिक संघटना सदस्य,ग्रामपंचायत सरपंच, उपसरपंच, पोलीस मित्र, ग्राम सुरक्षा दल पाटील व पत्रकार असे जवळ जवळ एकूण 450 ते 500 स्पर्धकांनी मॅरेथॉन स्पर्धेमध्ये आपला सहभाग नोंदवला .

दीप प्रज्वलन करत:

यावेळी उपस्थित मान्यवरांच्या हस्ते दीप प्रज्वलन करून कार्यक्रमाची सुरुवात करण्यात आली, या मॅरेथॉन स्पर्धेमध्ये 2 कि.मी, 3 कि.मी, व 5 कि.मी मध्ये सहभाग घेतलेल्या स्पर्धकांमधून प्रथम, द्वितीय व तृतीय क्रमांक काढण्यात आले. विजयी स्पर्धकांना मान्यवरांच्या हस्ते पारितोषिक वितरण करण्यात आले. तर मॅरेथॉन मध्ये सहभाग घेणाऱ्याना प्रमाणपत्र देण्यात आले .
यावेळी उपस्थितांना “राष्ट्रीय एकतेची”शपथ देऊन राष्ट्रगीताने कार्यक्रमाची सांगता करण्यात आली.

यावेळी सहभागी झालेले मान्यवर…

नाथा भाऊ शेवाळे जनता दल अध्यक्ष,विश्वास आबा कोहकडे मा पंचायत समिती सदस्य, सभापती,महेंद्र पाटील, रांजणगाव इंडस्ट्री असोसिएशनचे अध्यक्ष,
रांजणगाव देवस्थान ट्रस्टचे तुषार पाचुंदकर, संदीप दौंडकर,राजाराम घावटे ज्ञानगंगा इंटरनॅशनल स्कूलचे डायरेक्टर,अमित नवले, गुरुकुल इंग्लिश मीडियम स्कूल कारेगाव,वेगवेगळ्या कंपन्यांचे अधिकारी ,डॉक्टर संदीप कोकरे, डॉक्टर नरवडे, डॉक्टर अभय पडवळ, डॉ अजित लांडे , मदन नरवडे,हेलिंग लिव्ह च्या डॉ निकिता ,राजेश ग्रुप चे सर्वेसर्वा राजेश लांडे, नेताजी फंड, विक्रम पाचुंदकर
महागणपती करिअर अकॅडमी व महागणपती करिअर फोरम चे विद्यार्थी त्याचप्रमाणे महागणपती स्कूल गुरुकुल स्कूल कारेगाव कारेश्वर इंग्लिश मीडियम स्कूल ज्ञानगंगा इंटरनॅशनल स्कूलचे शिक्षक व विद्यार्थी या मॅरेथॉनमध्ये सहभागी झाले होते.

या मॅरेथॉन चे आयोजन रांजनगाव पोलिस स्टेशन चे पोलिस निरीक्षक वागमोडे यांच्या मार्गदर्शना अंतर्गत घेण्यात आला.