कोरेगाव भिमा:प्रतिनिधी(विनायक साबळे)
शिक्रापूर (ता. शिरूर): येथील कोयाळी जिल्हा परिषदेच्या प्राथमिक शाळेत मराठी विषयाच्या शिक्षिका म्हणून कार्यरत राहिलेल्या शरीफा तांबोळी यांची नुकतीच यवत बिटचे शिक्षण विस्तार अधिकारी (Education Extension Officer) म्हणून नियुक्ती झाली आहे. त्यांच्या या नियुक्तीचे सर्वत्र स्वागत होत असून, २००२ साली त्यांच्याकडे शिक्षण घेतलेल्या माजी विद्यार्थ्यांनी खास भेट घेऊन त्यांचा सत्कार केला.
तांबोळी मॅडम यांच्या राहत्या घरी माजी विद्यार्थ्यांनी पुष्पगुच्छ देत त्यांचा गौरव केला. यावेळी विद्यार्थ्यांनी शालेय जीवनातील गोड आठवणींना उजाळा देत मॅडम यांच्या मार्गदर्शनाची आठवण करून दिली. त्यांच्या प्रेमळ व समर्पित शिकवणीमुळे त्या आजही विद्यार्थ्यांच्या मनात आदराचे स्थान मिळवून आहेत.
कार्यकमातील मान्यवर
सत्कार समारंभात २००२ साली सातवीच्या वर्गात शिकलेले माजी विद्यार्थी — उद्योजक दिपक भुजबळ, मंगेश काळोखे, मंगेश नर्के, रामदास गायकवाड, अमोल मोरे, अमोल सासवडे, राहुल मोरे, धनंजय पवार, तुषार देशमुख आणि दत्तात्रय बारगळ — हे उपस्थित होते.
“मॅडम आमच्या वर्गशिक्षिका होत्या. त्यांचं हे यश पाहून आम्हालाही खूप अभिमान वाटतो,” अशा भावना विद्यार्थ्यांनी व्यक्त केल्या.
प्रेरणा देणारे विचार
शिक्षण क्षेत्रात तांबोळी मॅडम यांचे कार्य, विद्यार्थ्यांवरील प्रेम आणि मूल्याधिष्ठित शिकवणीपद्धती ही अनेकांसाठी प्रेरणादायी ठरली आहे. त्यांच्या पुढील शैक्षणिक वाटचालीसाठी सर्वत्र शुभेच्छांचा वर्षाव होत आहे.
Users Today : 9
Users Yesterday : 9