शिरूर प्रतिनिधी
सावित्रीबाई फुले पुणे विद्यापीठ, विद्यार्थी विकास मंडळ आणि सिताबाई थिटे कॉलेज ऑफ फार्मसी शिरुर यांच्या संयुक्त विद्यमाने आयोजित निर्भय कन्या अभियान दिनांक २३व २४ जानेवारी २०२५ रोजी संपन्न झाले.
मुलींच्या सबलीकरण साठी आणि निर्भय बनण्यासाठी आयोजित अभियान मध्ये पोलिस विभागातर्फे पोलिस महिला अधिकारी सौ.भाग्यश्री जाधव यांनी विद्यार्थिनीशी सुसंवाद साधला.दुपारच्या सत्रामध्ये एडवोकेट सीमा काशीकर यांनी विद्यार्थिनींना त्यांच्याविषयी असणारे कायदे समजावून सांगून मुलींनी निर्भय व्हावे, अन्याय सहन करू नये. कोणताही अनुचित प्रकार घडल्यास तत्काळ तक्रार दाखल करावी याविषयी मार्गदर्शन केले.
तसेच कराटे प्रशिक्षक शेख सर यांनी प्रशिक्षण घेवून स्वसंरक्षणचे धडे दिले . सदर अभियानात ७५ मुलींनी सहभाग नोंदवला. कार्यक्रमाचे नियोजन विद्यार्थी विकास अधिकारी निशिकांत शिंदे यांनी केले. सदर अभियानसाठी शिक्षक आणि शिक्षकेतर महिला कर्मचारी उपस्थित होते.प्राचार्य डॉ.बाहेती सरांनी सदर अभियानात मार्गदर्शन केले.
Users Today : 9
Users Yesterday : 9