नगरविकास विभागाच्या पुणे जिल्हास्तरीय क्रीडा स्पर्धेमध्ये शिरूर नगरपरिषदे ने बाजी मारली

शिरुर प्रतिनिधी
राज्यात क्रीडा, संस्कृतीचे संवर्धन, प्रचार, प्रसार व जोपासना करणेसाठी तसेच पोषक वातावरण निर्माण करणेसाठी ,राज्य शासनाने क्रीडा धोरण जाहीर केले आहे.
या मध्ये जिल्हास्तरावर अधिकारी / कर्मचारी यांच्याकरिता दि. ०८/१/२०२५ ते दि.११/१/२०२५ या कालावधीत जिल्हास्तरीय क्रीडा व सांस्कृतिक कार्यक्रम बारामती जिल्हा पुणे येथे आयोजित करण्यात आले होते.
या स्पर्धेमध्ये पुणे जिल्ह्यातील सर्व नगरपरिषदा व नगरपंचायती यांनीआपला सहभाग नोंदवला होता. यामध्ये शिरूर नगर परिषदेच्या वतीने साधारण 45 अधिकारी व कर्मचाऱ्यांनी यांनी भाग घेतला होता. यामध्ये नगरविकास विभाग, नगरपरिषद प्रशासन संचालनालय शिरूर नगरपरिषदेचा पुणे जिल्हास्तरीय सांस्कृतिक व क्रीडा स्पर्धा मध्ये उत्तम सहभाग नोंदवून प्रितम पाटील, प्रशासक तथा मुख्याधिकारी शिरूर,यांच्या मार्गदर्शना खाली १२ पदके तयार करण्यात आली होती .
यामध्ये व्हॉलीबॉल स्पर्धेत शिरुर संघाचा इतर सर्व संघावर विजय मिळवत “प्रथम विजेता” होण्याचा बहुमान प्राप्त झाला .
तसेच इतर स्पर्धेत मिळालेले यश खालील प्रमाणे, वैयक्तिक स्पर्धेत एकूण १० पदके, पैकी ५ प्रथम विजेते आहेत. यामध्ये प्रदीप साळवे- गोळा फेक प्रथम,प्रदीप साळवे- लांब उडी प्रथम,प्रदीप साळवे- उंच उडी प्रथम क्रमांक, प्रदीप साळवे- १०० मी प्रथम, पंकज माने- थाळी फेक प्रथम क्र., शितल काळे- २०० मी द्वितीय क्रमांक (महिला),शितल काळे- ४०० मी तृतीय क्रमांक (महिला), शितल काळे- ३ किमी द्वितीय क्रमांक (महिला), संदीप चव्हाण- लांब उडी- द्वितीय क्रमांक, रामचंद्र नरवडे- प्रहसन प्रथम क्रमांक, प्रदीप साळवे, नवनाथ मते, संदीप चव्हाण, पंकज माने- *१०० मी रिले प्रथम क्रमांक, तसेच सांघिक स्पर्धेत २ पदके प्राप्त झाले आहेत.
या स्पर्धेच्या बक्षीस वितरण कार्यक्रमासाठी दि. ११/०१/२०२५ रोजी महाराष्ट्र राज्याचे उपमुख्यमंत्री मा. अजित दादा पवार, जिल्हा सह आयुक्त दुर्वास व स्पर्धेत भाग घेतलेले अधिकारी /कर्मचारी उपस्थित होते.