घोडगंगा साखर कारखाना परत सुरू करू: कटके

शिरूर प्रतिनिधी

शिरूर विधानसभा मतदारसंघासाठी राष्ट्रवादी काँग्रेस पक्ष अजित पवार व महायुतीचे उमेदवार ज्ञानेश्वर उर्फ माऊली कटके यांनी मोठ्या प्रमाणात शक्ती प्रदर्शन करीत ढोल ताशाच्या गजरात व गगनभेदी घोषणा देत आपला उमेदवारी अर्ज माजी खासदार शिवाजीराव आढळराव पाटील , राहुल दादा पाचर्णे व रवी बापू काळे यांच्या उपस्थितीत आज 29/10/2024 रोजी दाखल केला आहे.

आज सकाळी वाघोली येथे श्री वाघेश्वराचे दर्शन घेऊन महायुती व राष्ट्रवादी काँग्रेस पक्ष अजित पवार यांचें उमेदवार ज्ञानेश्वर उर्फ माऊली कटके यांनी शिरूर बाजार समिती आवारातील छत्रपती शिवाजी महाराज पुतळ्यास व भारतरत्न डॉक्टर बाबासाहेब आंबेडकर पुतळ्यास पुष्पहार घालून भव्य रॅली काढली .

या रॅलीला मोठ्या संख्येने मतदार व सर्वसामान्य कार्यकर्त्यांनी उपस्थित राहून आपला आनंद दाखवला. शिरूर बाजार समिती आवारातून निघालेली रॅली ,शिरूर येथील पाच कंदील चौक येथे जाहीर सभेमध्ये परिवर्तित झाली. त्यानंतर काही मोजक्या कार्यकर्त्यास ह राष्ट्रवादी काँग्रेस पक्षाचे उमेदवार ज्ञानेश्वर उर्फ माऊली कटके यांनी शिरूर तहसील कार्यालय येथे आपला उमेदवारी अर्ज दाखल केला.

यावेळी घोडगांगा साखर कारखान्याचे संचालक दादा पाटील फराटे, राहुल पाचर्णे, रविंद्र बापू काळे,महेश ढमढरे , भगवान शेळके , रामभाऊ सासवडे , अरुण गिरे , नवनाथ काकडे , राजेंद्र जासूद, स्वप्निल गायकवाड, सुधीर फराटे सहित अनेक कार्यकर्ते उपस्थित होते .

शिरूर विधानसभा मतदारसंघांमध्ये चुरशीची लढत होईल असे राजकीय जाणकारांचे मत आहे.

शिरूर विधानसभेमध्ये वाघोली चा वाहतूक कोंडीचा प्रश्न, यशवंत सहकारी साखर कारखाना सुरू करण्याचा प्रयत्न करणार असून, घोडगंगा सहकारी साखर कारखाना सुरू करून , औद्योगिक वसाहती स्थानिक तरुणांना नोकरीत प्राधान्य देण्यासाठी प्रयत्न करणार, तसेच सरकारने राबवलेली लाडकी बहीण योजना व शेतकऱ्यांची वीज बिल माफी या प्रमुख प्रमूख विषय घेऊन निवडणुकीला सामोरे जात असल्याची माहिती महायुतीचे उमेदवार माऊली कटके यांनी या सभेच्या वेळी शिरूर येथील पाच कंदील चौ क देत , उपस्थित असणाऱ्या सर्वांचे आभार मानले.