इमारत नोंद रद्द करणेबाबत बजावलेल्या नोटिस संदर्भात सरपंच , उपसरपंच व ग्रामसेवक यांच्याशी चर्चा करताना मृत्यु

दि. 23 रोजी घोडेगाव ग्रामपंचायतीच्या हद्दीतील करुजूदेवी डेव्हलपर्स सर्वे नंबर १९८/२
इमारत नोंद रद्द करणेबाबत बजावलेल्या नोटिस संदर्भात सरपंच , उपसरपंच व ग्रामसेवक यांच्याशी चर्चा करण्यासाठी गेलेल्या दत्तात्रय किसन पोखरकर यांचा ग्रामपंचायत मध्येच हृदयविकाराच्या झटक्याने मृत्यू झाल्याची घटना काल घडली .
याबाबत घोडेगाव पोलीस स्टेशन येथे गणेश दत्तात्रय पोखरकर यांनी माहिती दिली.
मिळालेल्या माहितीनुसार ग्रामपंचायत घोडेगाव ने दत्तात्रय पोखरकर यांच्या करुजूदेवी डेव्हलपर्स सर्वे नंबर १९८/२ येथील इमारत नोंद रद्द करण्याबाबत नोटीस बजावली होती. या नोटीस संदर्भात दत्तात्रय पोखरकर त्यांच्या पत्नी व अवधूत घोलप यांच्या बरोबर ग्रामपंचायत मध्ये गेले होते .
त्यावेळी सरपंच, उपसरपंच, ग्रामविकास अधिकारी यांच्याशी चर्चा सुरू असताना दत्तात्रय पोखरकर यांना अचानक त्रास झाला व ते खाली पडले. त्यांना त्वरित ग्रामपंचायतमध्ये आलेले अवधूत घोलप व इतर लोकांच्या सहाय्याने ,घोडेगाव येथील ग्रामीण रुग्णालयात हलवण्यात आले .
डॉक्टरांनी तपासून त्यांना मयत झाल्याचे जाहीर केले. याबाबत पुढील तपास घोडेगाव पोलीस स्टेशन चे सहाय्यक पोलीस निरीक्षक किरण भालेकर यांच्या मार्गदर्शनाखाली सुरू आहे.