शिरूर प्रतिनिधी:सुदर्शन दरेकर
शिरूर तालुक्यातील आण्णापूर येथील भोलाई माता मंदिराच्या पाठीमागील परिसरात सुरू असलेल्या जुगार अड्ड्यावर शिरूर पोलिसांनी छापा टाकून कारवाई केली. या प्रकरणी सहा जणांविरुद्ध महाराष्ट्र जुगार प्रतिबंधक कायद्यानुसार गुन्हा दाखल करण्यात आला आहे.
पोलिसांकडून मिळालेल्या माहितीनुसार, 4 मे 2026 रोजी दुपारी साडेतीनच्या सुमारास आरोपी 52 पत्त्यांच्या केंटवर रम्मी नावाचा जुगार खेळत असल्याची माहिती मिळाली होती. त्यानुसार पोलिसांनी घटनास्थळी धाड टाकली असता आरोपींनी पोलिसांची चाहूल लागताच तेथून पळ काढला.
घटनास्थळावरून दोन पत्त्यांचे केंट, रोख रक्कम तसेच एक मोबाईल फोन असा एकूण सुमारे 36 हजार 420 रुपयांचा मुद्देमाल जप्त करण्यात आला आहे.
या प्रकरणी अझर शाबुद्दीन पठाण, लारा गव्हाणे, केशव मोहन चौघुले, राजू मारुती पवार, विठ्ठल बबन पवार आणि दिलीप भाऊ कुरंदळे (सर्व रा. आण्णापूर, ता. शिरूर) यांच्याविरुद्ध गुन्हा दाखल करण्यात आला आहे.
या घटनेचा पुढील तपास शिरूर पोलीस करत आहेत.
Users Today : 105
Users Yesterday : 470