मांडवगण फराटा येथे शिवजयंती आगळ्या वेगळ्या पद्धतीने साजरी….

मांडवगण प्रतिनिधी:संतोष साळुंके

दिनांक.19 फेब्रुवारी. मांडवगण फराटा येथे ,छत्रपती शिवाजी महाराजांच्या जयंती निमित्ताने भव्य दिव्य अशी ऐतिहासिक मिरवणूक सायंकाळी सहा वाजता सुरू झाली.

1c11c641-626d-4514-9942-402e66d61648

तीन तास चाललेल्या या मिरवणुकीत लाठी काठी ,तलवार बाजी ,दांडपट्टा अशी मर्दानी प्रात्यक्षिके शालेय विद्यार्थिनींनी सादर केली.अंगावर शहारे आणणाऱ्या ऐतिहासिक खेळामुळे सर्व वातावरण शिवमय झाले होते.

श्रीराम तरुण मंडळ फराटे वाडी यांचे पारंपरिक ढोल लेझीम पथक लक्ष वेधून घेत होते.कार्यक्रमाचे सूत्र संचालन विकास फराटे यांनी केले.शिवरायांचे विचार विद्यार्थ्यांनी आत्मसात करावे .न्याय नीती हे गुण माणसास नेहमीच चांगले जीवन जगण्यास सार्थकी ठरतात ,अशा शब्दात किशोर (हरी) फराटे यांनी विद्यार्थ्यांना मार्गदर्शन केले.

तुकारामबापू फराटे म्हणाले की प्रत्येक दिवशी शिवरायांच्या विचारांची प्रेरणा घेऊन आयुष्याची वाटचाल केली ,तर प्रत्येक विद्यार्थीचे सुसंस्कृत आणि आदर्श व्यक्तिमत्व घडल्या शिवाय राहणार नाही.अशा मंगलमय,शिवमय वातावरणार हजारो लोकांच्या उपस्थितीत या सुवर्ण सोहळ्याची सांगता झाली.