स्वयंसेवी संस्थेकडून शालेय उपयोगी वस्तूंची भेट

पुणे प्रतिनिधी
इनरवेल क्लब ऑफ पुणे रिव्हर रिदमस या स्वयंसेवी संस्थेतर्फे जिल्हा परिषद प्राथमिक शाळा, ठाकरवाडी येथे शालेय उपयोगी वस्तूंची भेट देण्यात आली.
तसेच नुकतेच विद्यार्थ्यांना गरम कपड्यांचे वाटप करण्यात आले.
भेट देण्यात आलेल्या साहित्यात दोन सिलिंग फॅन, स्मार्ट टीव्ही, मुलांना ट्रॅक सुट, खुर्च्या, शूजस्टॅन्ड, मुलांना स्वेटर, कानटोपी, टेबल, कपाट, खेळाचे साहित्य आणि मुलांसाठी खाऊ आदींचा यामध्ये समावेश आहे.
संस्थेच्या अध्यक्षा निकिता मित्तल, सचिव दिप्ती सरोगी, प्रियंका गुप्ता, प्राची अगरवाल, व्रिद्धी गुप्ता अतुल अग्रवाल, नागेश कड, जि. प. प्रा. शाळा आगळंबेचे शिक्षण सत्तार तांबोळी, जि. प. प्रा. शाळा ठाकरवाडीच्या प्रभारी मुख्याध्यापिका मनीषा बुंदे, सहशिक्षिका देवश्री रेपाल, ठाकरवाडी शाळा व्यवस्थापन समितीचे अध्यक्ष कैलास पायगुडे आदी यावेळी उपस्थित होते.
कार्यक्रमाचे अध्यक्षस्थान जि. प. प्रा. शाळा आगंळबेचे मुख्याध्यापक मच्छिंद्र हिलाळ यांनी भुषविले. निकीता मित्तल, नागेश कड, सत्तार तांबोळी यांनी मनोगत व्यक्त केले. देवश्री रेपाल यांनी सुत्रसंचालन केले. मनीषा बुंदे यांनी आभार मानले.

[चौथीत शिकणार्‍या मुलीने केली मदत
व्रिद्धी गुप्ता या चौथीत शिकणार्‍या मुलीने दिवाळीत स्वत: पणत्यांची डिझाईन करून विक्री केली होती. त्यातून मिळालेल्या पैशातून या मुलींने जिल्हा परिषद प्राथमिक शाळा, ठाकरवाडी (ता. हवेली) या शाळेतील 18 विद्यार्थ्यांना स्वेटर व कानटोपी भेट दिली. व्रिद्धी गेल्या काही वर्षांपासून दिवाळीत पणत्या विकते. त्यातून मिळालेल्या पैशातून ती सामाजिक कार्य करते, असे तिच्या पालकांनी सांगितले.]