सिद्धीचा पहाड या ठिकाणी स्वच्छ्ता मोहीम

शिरूर प्रतिनिधी
शिरूर नगरपरिषदेचे मुख्याधिकारी प्रीतम पाटील यांच्या मार्गदर्शनाखाली शिरूर नगरपरिषदेमार्फत स्वच्छ भारत अभियान २०२४ अंतर्गत “स्वच्छता पंधरवडा- स्वच्छता ही सेवा २०२४”- “स्वभाव स्वच्छता – संस्कार स्वच्छता” हे अभियान राबविण्यात येत असून महात्मा गांधी जयंतीचे औचित्य साधून दिनांक १७ सप्टेंबर, २०२४ ते ०१ ऑक्टोबर, २०२४ या कालावधीत विविध उपक्रम मोठ्या प्रमाणावर राबविण्याचे योजिले आहे.
या अनुषंगाने दि. २५/०९/२०२४ रोजी सिद्धीचा पहाड या ठिकाणी स्वच्छ्ता मोहीम राबविण्यात आली. या मोहिमेत सी. टी. बोरा कॉलेज चे प्राचार्य डॉ. के. सी. मोहिते, विकास नायकवडी, कांबळे सिद्धांत, , NSS, NCC चे विद्यार्थी, न्यू इंग्लिश ज्युनिअर कॉलेजचे सुरेश ननवरे, विशाल येवले इ. शिक्षक व विद्यार्थी, जीवन विकास मंदिर चे मुख्याध्यापक, शिक्षक व विद्यार्थी, विद्याधाम प्रशालेचे मुख्याध्यापक, शिक्षक व विद्यार्थी, पत्रकार संतोष शिंदे, विविध सामाजिक संस्थेचे सदस्य, नागरिक, बचत गट महिला, शिरूर नगरपरिषदेचे सर्व अधिकारी व कर्मचारी, शाळेचे शिक्षक व विद्यार्थी सहभागी झाले.