पुणे MPSC सत्याग्रह

पुणे प्रतिनिधी :- सागर पवार

“आयोगाच्या अध्यक्षांना पदावरून हटवूनच या संपूर्ण प्रकरणाची निष्पक्ष न्यायालयीन चौकशी झाली पाहिजे!”

पुण्यात सुरू असलेल्या MPSC विद्यार्थ्यांच्या सत्याग्रहामध्ये सहभागी होऊन आंदोलनकर्त्या विद्यार्थ्यांशी संवाद साधला आणि त्यांच्या मागण्या व अडचणी समजून घेतल्या.

स्पर्धा परीक्षांसाठी अनेक वर्षे प्रामाणिकपणे मेहनत करणाऱ्या विद्यार्थ्यांच्या भवितव्याशी कोणत्याही प्रकारची तडजोड होता कामा नये. परीक्षा प्रक्रिया पारदर्शक, निष्पक्ष आणि विश्वासार्ह असणे ही विद्यार्थ्यांची रास्त अपेक्षा आहे.

विद्यार्थ्यांच्या मनात निर्माण झालेल्या प्रश्नांना केवळ आश्वासनांनी नव्हे, तर ठोस निर्णय आणि निष्पक्ष चौकशीच्या माध्यमातून उत्तर मिळाले पाहिजे. त्यामुळे आयोगाच्या अध्यक्षांना पदावरून हटवून या संपूर्ण प्रकरणाची न्यायालयीन चौकशी करण्यात यावी, अशी मागणी आंदोलनस्थळावरून विद्यार्थ्यांच्या वतीने सरकारकडे केली.

यावेळी अभिजित दिपके, रोहितदादा पवार यांच्यासह विद्यार्थी, पदाधिकारी आणि कार्यकर्ते उपस्थित होते.
विद्यार्थ्यांच्या न्याय्य हक्कांसाठी आणि त्यांच्या भविष्याच्या प्रश्नांसाठी आवाज कायम बुलंद राहील!