बाल मंत्री मंडळ स्थापन…

भांबर्डे : प्रतिनिधी
भांबर्डे बालमित्र ग्राम येथे 17 नोव्हेंबर 2025 रोजी झालेली बाल पंचायत निवडणूक अत्यंत उत्साहपूर्ण वातावरणात आणि पारदर्शक पद्धतीने पार पडली. लोकशाही मूल्यांची ओळख आणि नेतृत्वगुणांचा विकास घडवण्यासाठी आयोजित केलेल्या या निवडणुकीत एकूण 11 उमेदवारांनी स्पर्धा केली. विशेष म्हणजे सर्वच 11 उमेदवार विजयी ठरल्याने मुलांचा आनंद ओसंडून वाहत होता.

कृष्णा वीर बाल सरपंच, प्रथमेश वाघ उपसरपंच
मतमोजणीनंतर कृष्णा अनिल वीर याची बाल सरपंच आणि प्रथमेश खंडू वाघ याची बाल उपसरपंच म्हणून निवड जाहीर करण्यात आली. मताधिक्याच्या आधारावर इतर पदांवरही निवडून आलेल्या सदस्यांना विविध विभागांची जबाबदारी सोपवण्यात आली.
मंत्रीमंडळाची निवड

बाल पंचायतसाठी खालील मंत्रीमंडळ जाहीर करण्यात आले :

बाल शिक्षण मंत्री : तेजस संतोष ढमढेरे
बाल संरक्षण मंत्री : सानवी नवनाथ वीर
बाल क्रीडा मंत्री : आराध्य जितेंद्र वीर
बाल सांस्कृतिक मंत्री : अनुष्का संतोष पवार
बाल आरोग्य मंत्री : अनुष्का चैतन्य वीर
बाल आरोग्य मंत्री : वैभव आबासो तिरखुंडे
कार्यकारी सदस्य
प्रांजल अर्जुन पवार
संस्कार जालिंदर रोडे
आराध्या रविराज शिंदे
हे सर्व सदस्य आगामी वर्षभर शिक्षण, आरोग्य, क्रीडा, संस्कृती, बाल हक्क आणि संरक्षण या क्षेत्रातील विविध उपक्रम राबवणार आहेत.
गुप्त मतदान पद्धतीने निवडणूक
निवडणूक प्रक्रिया पूर्णपणे गुप्त मतदान पद्धतीने शांततेत पार पडली. गावातील मुले, पालक आणि ग्रामस्थांनी या प्रक्रियेत उत्साहाने सहभाग नोंदवला.

मान्यवरांची उपस्थिती

शाळा व्यवस्थापन समितीचे अध्यक्ष संतोष पवार, उपाध्यक्ष किरण शिंदे, जिल्हा परिषद प्राथमिक शाळा भांबर्डेचे मुख्याध्यापक नाणेकर सर, बालमित्र ग्राम समितीच्या सदस्या अलका ताई काळे आदी मान्यवर उपस्थित होते. सर्वांच्या उपस्थितीमुळे संपूर्ण प्रक्रिया अधिक शिस्तबद्ध आणि उत्साहपूर्ण झाली.

शपथविधी सोहळा

निवडणूक निकाल जाहीर झाल्यानंतर नव-नियुक्त सदस्यांना शपथविधी देण्यात आला. यावेळी भांबर्डे गावचे सरपंच संदीप भीमराव रोडे, उपसरपंच अलका भाऊसाहेब पिंगळे, पोलिस पाटील शैला ताई खेडकर, तसेच समितीचे अध्यक्ष आणि उपाध्यक्ष यांनी विजयी सदस्यांचे अभिनंदन करून त्यांच्या कार्यकाळासाठी शुभेच्छा दिल्या.

एक वर्षाचा कार्यकाल

कैलाश सत्यार्थी चिल्ड्रन्स फाउंडेशनच्या कार्यकर्त्यांनी बाल पंचायतचा कार्यकाल एक वर्ष असल्याचे घोषित केले.
भांबर्डे गावातील ही बाल पंचायत मुलांना लोकशाही प्रक्रियेची शिकवण देणारी तसेच गावाच्या विकासात त्यांचा सक्रिय सहभाग सुनिश्चित करणारी ठरली आहे.