तळेगाव न्हवरा रोडवरील हॉटेलमध्ये जेवणात आढळे सडलेले मासे …. अन्न प्रशासन अधिकाऱ्यांच्या बेजाबाबदार पणामुळे शिरूर तालुक्यात अशा घटना..

शिरूर प्रतिनिधी:
शिरूर तालुक्यातील तळेगाव न्हवरा रोडवर असणाऱ्या,एका हॉटेलमध्ये अन्नसुरक्षेचा गंभीर प्रकार उघडकीस आला आहे.

दिनांक ७ नोव्हेंबर रोजी दोन युवक व एका सात वर्षांच्या मुलीसह आलेल्या ग्राहकांना सडलेले व उग्र वास येणारे मासे खायला देण्यात आले.

9d3ffbd0-77b1-4d29-a58d-9cc130e04b96

हॉटेलमधील या प्रकारामुळे नागरिकांमध्ये संतापाची लाट उसळली आहे.

या घटनेतील युवकाने सांगितले की,माशांचा वास अत्यंत उग्र आणि सडल्यासारखा होता. आतमध्ये काळसर-निळसर रंग दिसत होता. ही गोष्ट युवकाच्या लक्षात येताच त्यांनी वेटरला ही बाब लक्षात आणून दिली मात्र त्याने उलट ‘मासे चांगले आहेत, बिंदास खा’ असे सांगितले.
यावर हॉटेल मालकांशी बोलण्याचा प्रयत्न केला असता त्यांनी आपली चुक मान्य करण्यास नकार दिला.

युवकांनी प्रसंगावधान राखत संपूर्ण घटनेचे व्हिडिओ चित्रीकरण केले असून, उपस्थित इतर ग्राहकांनीही त्या माशांचा वास घेऊन ते खराब असल्याची पुष्टी दिली आहे.

हॉटेलच्या बाहेर आल्यानंतर दोन युवक भेटले. त्यांनाही तेथे खराब मासे दिले गेले असल्याचे समजले, व त्यांनी ते अन्न न खाता सोडून दिले. या दोघांचीही प्रतिक्रिया व्हिडिओ स्वरूपात नोंदवली गेली आहे.

दरम्यान, हॉटेल चालक व कर्मचाऱ्यांनी त्या ग्राहकांशी तसेच सात वर्षांच्या मुलीशी अत्यंत उद्धट व अपमानास्पद वर्तन केले असल्याची गंभीर बाब निदर्शनास आली असुन.

युवकाच्या म्हणण्यानुसार:

जर मी प्रसंगावधान राखले नसते, तर लहान मुलीच्या आरोग्याला गंभीर धोका निर्माण झाला असता. सडलेले मासे देणे म्हणजे ग्राहकांच्या जीवाशी खेळ आहे.

या प्रकरणामुळे परिसरात तीव्र संताप व्यक्त होत असून नागरिकांनी अन्न व औषध प्रशासन विभागाकडे हॉटेलविरुद्ध कठोर कारवाईची मागणी केली आहे.

मुख्य मुद्दे

1.सडलेले आणि उग्र वासाचे मासे ग्राहकांना दिले

2.हॉटेल मालकाचा निष्काळजी आणि उद्धटपणा

3.ग्राहकांच्या आरोग्याशी खेळ

4.व्हिडिओ पुरावे उपलब्ध

5.नागरिकांकडून तातडीने अन्न व औषध प्रशासनाकडे कारवाईची मागणी

शिरूर तालुक्यातील अशा प्रकाराने शिरूर नागरिकांना हादरवून सोडले असून, अन्नसुरक्षा नियमांचे उल्लंघन करणाऱ्या हॉटेल चालकावर तातडीने दंडात्मक कारवाई करावी, अशी मागणी परिसरातून जोर धरत आहे.