मुंबईत शिक्रापूरकरांनी घातले 108 ‘सूर्यनमस्कार’

कोरेगाव भिमा: प्रतिनिधी (विनायक साबळे)

शिक्रापूर (ता. शिरुर) येथील जय श्रीराम हेल्थ क्लबच्या सदस्यांनी मुबंईत ननस्टॉप 108 सूर्यनमस्कार घालत शिक्रापूरची छाप उमटवली.
जय श्रीराम हेल्थ क्लब मधील प्रशिक्षक संतोष जाधव, सहाय्यक पोलीस उपनिरीक्षक महेंद्र शिंदे, पोलीस हवालदार कल्पेश राखोंडे, अभिजीत चांदगुडे, कैलास खेडकर, संदीप कळमकर, पद्माकर लोखंडे, सुनिल दौंडकर, दयानंद गावडे, दिनेश फुंदे, भगवान देवधरे, दत्ता शिवले या बारा सदस्यांनी मुंबई घाटकोपर येथे आयोजित १०८ सुर्य नमस्कार कार्यक्रमात सहभाग घेत न थांबता तब्बल १०८ सूर्यनमस्कार काही वेळात पूर्ण केले.
शिक्रापूर, येथील जय श्रीराम हेल्थ क्लबच्या तब्बल बारा सदस्यांनी मुंबईमध्ये आयोजित सूर्यनमस्कार स्पर्धेत सहभाग घेत १०८ सूर्यनमस्कार करत शिक्रापूरची छाप मुंबई मध्ये उमटवली.

या मध्ये वय वर्षे १० ते ८९ गटातील तब्बल एक हजार ८०० स्त्री पुरुषांनी सहभाग नोंदविला. शिक्रापूरच्या जय श्रीराम हेल्थ क्लबच्या बारा सदस्यांनी यश मिळवले असून सर्वांचे जॉली जिमखाना ट्रस्ट कडून अभिनंदन करण्यात आले.